Dhadhaa akkana ta’e

አዲስ አበባ፣ ሚያዚያ 7፣ 2009 (ኤፍ.ቢ.ሲ) በወላይታ ሶዶ
ከተማ ከባዕድ ነገሮች ጋር ተቀላቅሎ ሊሸጥ የነበረ ከሦስት
ሺህ ኪሎ ግራም በላይ ማርና ቅቤ በቁጥጥር ሥር
መዋሉን የወላይታ ሶዶ ከተማ ፖሊስ መምሪያ አስታወቀ፡፡
የከተማዋ ፖሊስ አዛዥ ኢንስፔክተር አሸናፊ አዲሱ
እንደገለጹት፥ 3 ሺህ 260 ኪሎ ግራም የሚመዝነው ማርና
ቅቤ መሰል ባዕድ ነገር ሊያዝ የቻለው በሕብረተሰቡ
በተደረገ ጥቆማ ነው።
ምርቱ ለገበያ የቀረበው በ64 ከረጢትና በሁለት ዘንቢል
ተሞልቶ መሆኑን የገለጹት ኢኒስፔክተር አሸናፊ፥ ከበዓል
ግርግር ጋር በተያያዘ በተለይ ከቅቤ፣ በርበሬና ማር ጋር
ባዕድ ነገር በመቀላቀል የሚሸጡ ራስ ወዳድ ግለሰቦች
መኖራቸውን አስረድተዋል።
በድንገተኛ ብርበራ ህገወጥ ተግባሩን የፈጸሙትን አምስት
ህገ-ወጥ ነጋዴዎች እጅ ከፍንጅ መያዝ እንደተቻለና ጉዳዩን
በማጣራት ለህግ እንዲቀርቡ የሚደረግ መሆኑን ፖሊስ
አዛዡ ለኢዜአ ገልጸዋል፡፡
የተለያዩ ባዕድ ነገሮችን ከምግብ ጋር በመደባላቅና
የመጠቀሚያ ጊዜ ያለፈባቸውን የፋብሪካ ምርቶች
እሽጋቸውን በመክፈት ከቅቤ ጋር ቀላቅለው የሚሸጡትን
ለመቆጣጠር፥ ከሕዝቡ ጋር በትብብር የተጀመረው ሥራ
ተጠናክሮ እንደሚቀጥል ነው የተናገሩት።

Advertisements
%d bloggers like this:
search previous next tag category expand menu location phone mail time cart zoom edit close